Brannen in Bost,
Kluut in Hals,
wat is dat blot?
Doktor find't nix.

Mutt Seel wall doon.
Sall sinniger worden,
Verdreet mieden,
neet all's so leep nehmen.

Bito word Blootspegel maakt.
Routine.
All's up Stee - bit up de Witten...
Blootkrebs!!!

En Welt geiht unner!
Neet blot för mi!
Waarum? Wo lange noch?
Dat dürt neet! Noch neet!

Nu raart neet!
Laat de Moot neet sacken!
Noch bün ik d'r un beloov Jo:
Daar gah ik tegen an!

Mackelk Wark sall he neet mit mi hebben
de Seismann!
Dat bün ik Jo schüllig.
Ik will, will, ja, ik will

l e v e n  -  mit Jo!